Die Ruei. Die unerdräägligi Ruei am 1. Augschte. Doo hätte doch e baar versprängti Freihäitsdryychler guet doo, wo gege s Füürwäärchverbott aadryychlet hätte. Oder e Tschuppele verwahrloosti Wohlstands-Schamane, wo in gäischtiger Umnachtig uf ihre Imitations-Indianertamburin gegen e Verluscht vo der Freihäit – ihrer Freihäit – ummebopple. Nüt. Äifach nüt. Halt. Isch s velicht anderschtumme? Joo. Wohrschyynlig scho. Wo jo nüt isch, chaa bekanntlig au nüt syy.
Tschuppele = Schar
bopple = klopfen
