Es isch jo nit esoo, as bi de Schwinger, oder wie d Hooselupf-Spezialischte sääge, bi der Schwingerfamilie, alles Friide, Fröide, Äierchuechen isch. Aber was in der Schwinger-Arena am ESAF apgangen isch, isch scho no speziell. Guet. Die 50’900 Zuschaueryyne und Zueschauer häi zwaar zwüscheduure brüelt wien e Wald voll Affe. Aber. Käin vo der Schwingerfamilie isch uf en andere loosgange. Usser deene, wo im Saagmähl ummedrooled syy. Äi Friide. Doo derzue basst guet d Mäldig vom Schuttispiil FCZ gege FCB: E Handvoll FCB-Dotteli gryffen e FCZ-Aahänger aa und verletzen ihn.
brüelt wien e Wald voll Affe = ein unbeschreibliches Geschrei verursachen
Ghüderchübel = Abfalleimer
ummedroole = sich wälzen
