Schyynts, so het me chönne lääse, syyge d Underbaselbieter schlauer as d Oberbaselbieter. Daas isch nit so schlimm. Schlimmer weeri, wenn d Oberbaselbieter dümmer weeren as d Stedter. Und daas isch aaschyynend nit esoo. Die, wo daas uusegfunde häi mit de schlauen Underbaselbieter, häi allerdings vergässe, as d Oberbaselbieter mit Buureschlöi gschlaage syy. Das zäigt sich am Byspiil vom Buure 1×1: föif mool föif isch föifezwänzg, schreibe föif, behalte zwänzg – daas isch Buureschlöi.
Buureschlöi = wenn der Bauer den (schlauen) Beamten hereinlegt
schyynts = offenbar
