Es git se halt doch. Numme döie sy sich mäischtens guet verstecke. Jetz han ich aber äin gseh. Es isch der letscht Frytig gsii. Z Sissech in der Begeegnigszoone. Der hiesig Schryynermäischter het sys Gschäftsauti in der Blaue Zoone parkiert und isch us em Auti gsprunge, ohni d Parkschyybe z setze. Wie wenn er gwaarted hätti, isch e Tschugger wien e Duubestöösser aanegstoche und hed s Buessebüechli füregnoo. Doo hed er aber d Rächnig ohni d Gescht im Kaffi gmacht, wo s Ganz beobachtet häi. Äine hed gweissged: «Der Schryyner isch numme gon e Brunne mache.» Der glaubets nit. Der Schrooter isch uf s Hüüsli go luege, isch nooneme Rung zrugg choo, säit «Glück ghaa» und isch dervoogloffe.
Duubestöösser = Habicht
weissge = schreien
