Der Seppi, wo sich no immer gege s Impfe weert, säits allne, wo s wäi ghööre – und au deene, wo s nümme chönne ghööre: «Für mii sy alli Mensche glyych. Öb gimpft oder ungimpft.» Das isch so lang guet gange, bis as d Friidi verjaggt hed. D Friidi isch nämmlig, politisch gseh, eenter nit uf der Sytte vom dummlächte Zwätschgechopf gsii und hed ihm zümpftig der Säich glüttered. Wie das denn geechi, hed sy der Seppi aapfuured. Bi der Yybürgerig vo däm Eehebaar us Albanie syg är jo dergeege gsii mit em Argumänt, sy syyge nit glyych wie mir Schwyzer. Der Seppi hed numme leer gschluckt und vo doo aa d Gügge ghalte.
Friidi = Frieda
dummlächt = dümmlich
Zwätschgechopf = Dummkopf
der Säich lüttere = gehörig die Meinung sagen
