Wie sich doch d Zytten ändere. Ich mag mii no bsinne, was ich as Erschtklässler am erschte Schueldaag gmacht haa. Der Summ-Summ, soo hed men em Lehrer gsäit, will är allewyyl gsummt hed, hed öis befoole (ou – ganz schlimm), mer selle mit roote Hölzli en A mache. Und hütte? Hütte gönge d Erschtklässler an Demonstrazioone. Sie demonstriere under anderem dergeege, «as mir Mensche nümme chönne frei (Ukraine!!) entschäide, wie mer öises Lääbe (Ukraine!!) gstalte wäi.» Und s bescht. Achtjöhrigi Chnüderi und Boone wüsse hütte, as Corona nummen e Grippen isch.
Chnüderi = kleiner Knabe
Boone = kleines Mädchen
