Äifach. As nit vergässe goht. Lang öb die urchige Freihäits-Dryychler mit ihre chalte Chrummen im Muul in der Gegend ummeläärmidiert häi, hed me bi de Walchizäine z Ziife, bi de Raadschiineschläcker z Sissech und de Chüechlibäärgger z Aarpetschwyyl gchlingled. Nit in wysse Chutteli (Made in China?), sondern in schwarze Chutte. E wyttere Underschiid zu de sälbschternannte Freihäitskämpfer isch, as d Nüünichlingler langi Hüet und d Dryychler e Chappen aahäi.
Was no blybt, isch d Froog, worum die Dryychler jeede Samschtig im Züüg ummelöitsche? Wohrschyynlig sy vo deene nit alli gimpft und dorum chöne sy jo nienen yyne – die Arme.
öb = bevor
läärmidiere = lärmen
Aarpetschwyyl = Arboldswil
Nüünichlingler = Traditioneller Brauch am Heiligabend in Ziefen, Sissach und Arboldswil
