Schutte. Der spanisch Gooli hebt e Penalty. Jetz isch er – lut Zyttig – e Held. Derbyy hed er doch numme daas gmacht, wo jeede Gooli set mache: nämmlig käinen yyneloo. Und. Die Verhüetigsmassnahm macht er jo au nit ganz ummesuscht. Der Giovanni vo der Pizzeria «Ubriaco» hed an äim äinzigen Oobe 63 Pizza gmacht, für fascht ummesuscht. Ohni as äini verbrennt isch. Joo. Au das isch schliesslig sy Arpet. Nummen isch er wääge däm nit in der Zyttig choo. E Held isch er äinewääg.
Gnams = Lohn
ummesunscht = gratis
ubriaco = betrunken
