Das sy doch emool gueti Nöigkäite. Ab em 1. vom Broochmooned nimmt d Boscht bi de Hooggemässer nöierdings d Blaschtigapfäll vo de Huushaltige mit. Mir döie die arme Böschtler jetz scho läid. Nääben e huffe Zalando-Karton, wo fruschtrierti Huusfraue zruggschicke, chäärle d Böschtler jetz no stinkende Blaschtig in der Wältgschicht umme. S goht allwääg nümme lang, und d Böschtler sy esoo mit Güsel yysammle beschäftiged, as mir d Boscht glyy sälber müese go hoole – wenn mer se denn zur Zytt wäi.
Broochmooned = Juni
Hooggemässer = Übername der Reinacher
