Der Bund hed derzue uufgruefe, me selli boueligi Underhoose im Garte vergraabe. Mit däm Versuech cha me luege, wie gsund der Booden isch. Noo zwee Mönet sell me d Hoose wiider uusgraabe. Wenn d Underhoose fascht verrotted syy, isch der Boode guet. Für mii stelle sich zwoo Frooge. Erschtens. Wär dräit hütt no boueligi Underhoose? Zwöitens. Mues me gwäscheni oder ungwäscheni Underhoose vergraabe. Nit as sich die Dierli no draa verschlucke. Me wäiss jo nit, wie schnääderfreesig die Underhoos-Frässer im Boode syy?
schnääderfreesig = verschleckt, wählerisch beim Essen
bouelig = baumwollen
