Es isch allewyyl s glyych. Sy d Manne dehäi äinisch am Choche, gseht d Chuchi noochaane mäischtens wien es Schlachtfääld uus. D Fraue döie denn albe stundelang de verhinderete Gourmet-Chöch hindedryybutze. Prezyys esoo mues sich die nöigweelti Bundesröötene vorchoo. Sii cha jetz nämmlig as Butzere s Schlachtfäld, wo ihri Vorgänger hinderloo häi, wiider uufruume. Und esoo isch das Huscheli wiider döört, wo d Frauen ebe grad nit wette syy – dä Mannen am Hindedryybutze.
Butzere = Putzfrau
Huscheli = bemitleidenswerte Frau
