Es git jo fascht nüt Schööners, as volli Wyykartong in Wyychäller aabezdrääge. Dunde, im Wyychäller, goht denn aber s Gschäär loos. Jeede vo deene Karton muesch anderscht ufrysse. Noodääm zäh Karton ufgchnüüblet hesch, gseije d Chlööpen us wie noonere Metzgete. Zum guete Glück hed der Wyychäller dicki Wänd, denn ghört d Frau nit, wenn ich albe vor mii aane häilande. Mit de Johre entwicklisch dy zumene wohre Wyykartong-Ufryss-Spezialischt. Mängisch han ich sogaar s Gfüehl, as ich meh Fröid am Ufrysse as am Wyydrinke haa.
Gschäär = Scherereien
häilande = fluchen