Wohrschyynlig sy d Buure, die Chuechutzler, tschuld. Sy mälche z weenig. Und will sy z weenig mälche, gits z weenig Milch. Und wills z weenig Milch git, gits au z weenig Nyydel. Numme soo chan ich mers erklääre, as vor e baar Dääg imene Kaffi z Stein am Rhein am föifi zoobe käi Nyydel me voorröötig gsii isch. Aber nit numme käi Nyydel hets ghaa. Au d Äärpeeri sy uus gsii. Der gsäiet, mer stüüren emene grööbere Versoorggigs-Ängbass entgeege.
Chuechutzler = Melker
Nyydel = Rahm
