Ou. Wiider äinisch Gfell ghaa. Der Hellseher Mike Shiva hed nämmlig über d Zuekumft vom FCB in der BZ gsäit: «Die glorreichen FCB-Zeiten kommen mit Sicherheit zurück». Guet. Ganz genau chann är au nit sääge, wenns mit em FCB wiider obsi goht. Das isch jo au schwiirig. Aber e Hellseher mues jo au nit sääge wenn öbbis bassiert. Es längt s scho, wenn är wäiss, as es überhaupt bassiert. Numme. My Vetter Kööbi hed amme gsäit: «Wenn men nüt Gnaus wäiss, ischs gscheiter, me säit nüt».
Gfell = Glück
Vetter = Onkel
