Wäärch

Aso e chlyy mues me die zwölfjöhrige Gälterchinder Schützligbuebe scho verstoh, as sy uf em Schuelhuusblatz mit Wäärch husiere. Uf der äinte Sytte isch daas verbotte. Uf der andere Sytte göngen d Eltere z Lieschtel gon es Hanfchüssi, Hanfpesto, Hanfschoggi oder es Goji-Hanf-Müesli go chauffe. Doo wüsse doch die Chnopfli nümm, waas Rächt und waas Unrächt isch. Und, as daas au no gsäit isch: D Zytte, wo men uf em Schuelhuusblatz Niele flemmt, sy zgünnglige duure.
Wäärch = Hanf
Schützligbueb = pubertierender Knabe
zgünnlige = endgültig