Dermit d Milchmöichli, d Suursuppefrässer, d Flööjeeger, d Summerauer und d Öpfelschnitzer zuekümftig nit mit em Fuehrwärch uf Sissech müesse, sammled s halb Baselbiet Underschrifte, as s Läufelfingerli nit yygoht. Aber velicht wäi die gar nit uf Sissech. Velicht wäi die so gschnäll as möglig uf Olte – in Nääbel. Äinewääg. Es sy schon e huffen Underschrifte zäämechoo. Schaad isch numme, as e groosse Däil vo deene, wo underschriibe häi, sälber chäibe sälte mit em Löifelfingerli fahrt.
Milchmöichli, Suursuppefrässer, Flööjeeger und Öpfelschnitzer = Übernahmen für Läufelfinger, Buckter, Rümlinger und Diepflinger
Milchmöichli = in Milch eingeweichte Brotbrocken
