Liidig het sy «Fleisch» ghäisse, d Diräktäre vom «Staatssekretariat für Wirtschaft (Seco)». Numme soo cha me sich erklääre, as die Daame zur Zytt sich soo staarch für Grill- und Oofehäntschen yysetzt. Dank ihre wäiss ich jetz nämmlig, in was für Gfohren ich gsii bii, wenn ich s süttig häissi gussyysig Düpfi us em Oofe gnoh haa – ohni amtlich apgsäägneti Grill- oder Oofehäntsche. Zum guete Glück hed die Diräktere liidergerwyys nit «Gemüse» ghäisse. Wär wäiss, uf was sy doo für bsundrige Idee choo weeri.
liidig = ledig
süttig = siedend
