Jetz gits jo Lüt, wo sääge, wenns nöime Schämpis und Lachsbröötli geebi, syg d Baaselbieter Polit-Prominänz mäischtens z vorderscht am Buffet aazdräffe. Und jetz daas. Grad emool zwoo Baselbieter Nationalröötene sygen am Uftaktsaalass vo der Gnusswuche z Bärn gsii. Es weeri jo e Schangsse gsii, s Baselbiet e chlyy bekannter z mache. So häig men bi deere Lumpede – halt äimohl meh – numme veräinzelt Baselbieter-Mundart wohrgnoo. Nummen in dem Fall isch das jo nit verwunderlig, schwäzt die äinti vo dene beede Nationalroots-Fraue doch Bündnerdütsch.
versuumt = verpasst
Schangsse = Chance
Lumpede = überbordendes Fest
