Äinisch meh will men em Löiffelfingerli an Chaare fahre. D Milchmöichli, d Lüürehääfe, d Flööjeeger, d Summerauer und d Öpfelschnitzer selle zuekümpftig mit em Autibus go yychauffe, sääge die z Lieschtel unde. Will me mües spaare. D Ufreegig im Homburgerdaal isch grooss. Derbyy ischs ganz äifach. Wenn alli die, wo jetz e groossi Gügge häi, würde mit der Yysebahn fahre, müesst me s Löiffelfingerli nit verschrotte.
Milchmöichli (in Milch eingeweichte Brotbrocken) = Übername der Läufelfinger
Lüürehääfe (Gefäss zum Aufbewahren von Wurstbrühe) = Übername der Buckter
Flööjeeger = Übername der Rümlinger
Öpfelschnitzer = Übername der Diepflinger
