Bis jetz hed men aagnoh, as das numme bi de Dier geebi, hed der Noldi vom Chlöpfgatterhoof gsäit. Hejoo, är as Buur müesi das schlussemänd wüsse. Näämi me nämmlig d Alpha-Chueh, aso die mit em gröschten Utter und em gröschte Hirni, us der Häärde, will me se will metzge, wärde die andere Dier rumpelsuurig und göngen ufenander loos. Das goht so lang, bis en anderi Chueh der nöi Scheff isch und wiider Ruei isch im Stall. Aber allwääg gits das au bi de Mensche. Wenn me nämmlig gseechi, was z Bäärn ooben apgoht, säit der Noldi wytter, sit s Bünder-Alpha-Dier gsäit hed, sy welli d Häärde verloh, sy dört ooben e baar zunderopsi. Numme drülle nit d Chüeh duure. Näi, es sy scho ehnder e baar Muni, wo düppelhürnig döie.
Düppel = Einfaltspinsel
rumpelsuurig = hässig
düppelhürnig = einfältig
