Jetz sell no äin sääge, d Stedter syge chruttig. Die mäischten im Groosse Root z Baasel häi am Aafang e chly brutsched. Aber schlussemänd häi sy de Baaselbieter die 80 Millione Franke denn doch gee. Jetz chunnsch der as Rammel halt fascht e chly voor wien e verarmte griechische Olivebuur. Die z Baasel häi aber gmäint, dem sääg me Partnerschaft. Äinewääg. Ich bin emol gspannt, wie wytt as mit der Partnerschaft isch, wenn s Gäld der ander Wääg set neh.
chruttig = überheblich
brutsche = murren
