Wenn sy Rüebchöhl, Grumpiiren oder Sellering schwyzerisch? Guet, wärdet der sääge: He dänk, wenn sy in der Schwyz wachse. Han ich bis jetz au gmäint. Aber die vom Schwyzerische Buureverband sy do ganz anderer Mäinig. Dued nämmlig e Schwyzer Buur z Dütschland äänen e Fuure Gällerüebli undere, chan är die noochaane glych no as Schwyzer Rüebli verchauffe. Yychauffe sette mer in der Schwyz, chauffe döie mer aber Rüebli, wo vo dääne chömme. Sy halt scho Dunnerwätter, die Buure.
Rüebchöhl = Kohlrabi
Grumpiire = Kartoffeln
Gällerüebli = Mohrrübe
Sellering = Sellerie
Dunnerwätter = Teufelskerle
