Z Muttez hed men im Hallebaad Legionelle gfunde. Näi. Legionelle sy kchäini wyyblige Legionäär. Legionelle sy Bakdeerie oder äifacher gsäit: Choot im Wasser. Bis jetz döigi aber no niemer muudere, wo duur die Bschütti gschwumme sygi, säit me z Muttez. Gföörlig chönni s numme für die wärde mitere gschwechte Imuunapweer und deere, wo rauche. Jä nundefaane. Sy miir jetz scho soowytt, as men im Hallebaad bim Schwimme raucht? Doo ischs jo klaar, as Dräkch ins Wasser chunnt. Die Raucher müese schlussämend nöimen aane mit iirer Äsche.
Muttez = Muttenz
Choot = Dreck
muudere = kränkeln
Bschütti = Jauche
