Joo, die Brootwurschtzipfel. Jetz häi dört e baar hööchi Dier über Mööned en alte Bierchäller wiider füregrüblet. Häi iin wiider hääregrichted, as e Gattig macht. Häi es dolls Eröffnigsfescht gmacht mit Bier und Brätzel. Und jetz daas. Statt in däm Chäller Bier z laagere, wie sichs ghöörti, hed men alti Saagene, Yyshöggen und sünscht no so Altyyse dört yyne biige. Jetz wundere sich die Brootwurschtzipfel, as das alte Wäärchzüüg hed afo roschte. Liebi Gälterchinder: Döied doch Bierfläsche in däm Chäller laagere – Bier roschtet nämmlig nit.
Brootwurschtzipfel = Neckname für die Bewohner von Gelterkinden
Hööchi Dier = Würdenträger
