Die äinte dörffen und die andere nit. Soo gseets ämmel uus, wenn me gseet, was d «Roche» für e zwöite, no hööchere Durm boue wet. Doo nütz alles Ghoop nüt vo deene, wo mende, as alli Möntsche glyych syy. Es git halt Glyychi und non e chlyy Glyychligeri. Das häi au d Sissecher müesen erfaare, wo sälbetsmool der Brueder vomene fyynessige Nazionaalroot es gruusigs, graus Fuettersilo in d Landschaft pflättered hed. Das hätt au nit jeede Chruttibuur dörfe. Aber wär der Doon aagit, säit halt, wos duure goot. Das isch z Sissech wie z Baasel esoo.
Ghoop = Geschrei
sälbetsmool = damals
