Woorschyynlig häi die vier Chreeze z Weil am Rhein friidlig welle imene «Schnellrestaurant» – was immer daas isch – go z nachtässe. Underäinisch syy die zwee Franzöösyyne und die zwee Schwyzeryyne enander in d Hoor groote. Woorschyynlig hed käini vo deene die anderi welle füre loo. Doo froog iich mii, was mache so vier Gumsle inere Schnällbäiz im Ussland. Wers nit gschyyder, sii würde, jeedi dört, wo sii här chunnt, in e richtigi Bäiz goo, wonene s Ässen an Disch brocht wird. Denn müeste sii nit inere Schlange stoo, enand s Servierbritt uf d Chöpf schloo und enand verdöffle.
Schleeglede = Prügelei
Chreeze = bemitleidenswerte Frauen
verdöffle = verprügeln
