As öb der Noldi vom Chlöpfgatterhoof non e Bewyys brucht hätti gege die nüträchtsig Fusioon. Won är nämmlig glääse hed, as die z Baasel bii der SBB-Bassarelle nit emol chönne richtig Rolldräppe faare, hed är ändgültig gwüsst, was är am 28. Septämber mues stimme. Jä nundefaane, hed är sich ufgreggt. In der ganze Schwyz wäiss me, as men uf deere Stääge rächts stoot und linggs goot. Numme d Bebbi häi das allem aa noonig erlikcht. Drum isch für iin klaar: Mit öbberem, wo nit cha z grächtem Stääge lauffe, will er nit under äiner Decki, oder besser gsäit, uf der glyyche Stääge syy.
nüträchtsig = nichtsnutzig
allem aa = anscheinend
