S goot nitsi und daas zümftig. Öisi Chlyynschte chönne schynts nümm richtig mit Mässer und Gaablen ässe und häige käi Moores me. Soo ischs ämmel in der Zytig gstande. Guet, alles cha me vo de Jüngschte jetz au nit verlange. Sii bruchen iiri Finger scho, aber halt für anderi Sache. Wo miir no gleert häi mit Mässer und Gaablen umzgoo, heds jo au no käi Mc Donalds’s gee, wo äim biim ässe d Schlappede über d Finger gloffen isch. Derfür cha hüt e Föifjöörigs schon e SMS schryybe. Und: häit diir das in dem Alter scho chönne? Ebe!
Moores = Manieren
Schlappede = Sauce
