Woorschyynlig isch sii juschtemänt vom Himalaya zrugg gsii, so, wie sii sich im Zugsapdäil wien e Chuepflätter aaneblättered hed. Uf em Sitz nääbedraa hed sii iire soumeessig groosse Rucksack aanedrapiert, as joo niemer cha aanehocke. Won iich die Gumsle so aagluegt haa, isch miir der Ueli Steck in Sinn choo. Dä isch jo von e baar hässige Sherpas fascht gstäiniget worde, will er sich au e chlyy bräit gmacht hed. No syy miir in der Schwyz aber noonig sowytt. Und es loont sich allwäg au nit, wägeneme fuule, yygebildete Huen immer e baar Gwäggi in der Aarpetsmappe derbyy z haa.
aaneblättered = sich breit machen
juschtemänd = eben gerade
