S isch wie Daag und Nacht gsii. Zerscht d Schwyzer Yyshockeiaaner, wo wie d Füürweer loosgläit häi, und denn der «Cup-Final», wos düttlig gsatzliger zue und hääre gangen isch. D Schütteler vo Baasel und Züri sette sich es Byspiil nee bi iiren Aahänger, oder ämmel bin e Däil vo iine. Die sy nämmlig z Bäärn ufänander loos wie früener d Röömer im Colosseum. Häi sich geegesyttig «Petarde» und Stäi an d Grinder bänglet, und häi sich ufgfüert wien e Rotte düppelhürnigi Wildsöi. Velicht set me s neecher Joor d Aahänger lo schutte und d Schütteler lo zueluge. Wär wäiss, velicht chönnte beed von enand öbbis leere.
gsatzlig = gemächlich
düppelhürnig = einfältig
