Iich wäiss nit, öbs Zuefall isch oder öb daas öisi Fründ vo äänefer vom Rhyy
äxtra mache. Will sitemene Rung macht jo schyyns e gföörlige dütschen Yybrächer s Baselbiet unsicher. Die hiesig Bolizei hed ämmel vor däm Kärliburscht scho mängisch gwaarnt, as denn daas e Gföörlige syygi. Aber velicht isch daas au nummen e Retourgutsche vo de Dütsche, will jo alsfott mee Baaselbieter iire Güsel äänefer vo der Gränzen entsoorgge. Halt e chlyy öbbis wien e gränzüberschryytende Waarevercheer: Miir bringe de Dütschen öisi Apfallsäck und chömme derfür – ganz ummesuscht – e gföörlige Fötzel umme.
äänefer = drüben
hiesig = von hier
