Bis jetz han iich immer gmäint, an der Faasnecht giengs luschtig zue und häär. Ämmel z Baasel. Daas isch jo au die äinzig richtig und woori Faasnecht wytumme. Jetz sellen aber jo am «Charivari» Politiker der Gloon mache – wie wenn sii daas nit sünscht scho miechte. Ganz bsundrig wirds allwääg an deere Voorfüerig, wenn der Herrlibäärger Böögg uuf der Büeni der Chaschper macht. D Äierliiferante z Baasel häige schyynsch bii de Baaselbieter Buure schon e Mool voorsoorgglig Groossuufdrääg für fuuli Hüeneräier uufgee. Iich glaub aber scho, as em Oobergschwälli uus em Züribiet d Rollen in däm Voorfaasnechtsaalass uuf e Lyyb gschriiben isch: Me mues dört au nit immer ganz d Woored sääge.
lächerig = lustig
wytumme = weitherum
