D Baaselbieter Stüürverwaltig hed de mäischte vo öis häitere Stüürzaaler die lätzen Yyzaaligsschyyn gschickt. Iich chan öich sääge, iich bii über daas soumeessig hässig worde. Iich vergitzle nämmlig albe fascht, bis iich myyni Stüüre chaa zaale. Näi, im ärnscht. Tschuld für de «faux pas» isch wie brüüchlig niemer, oder besser gsäit e «Softwarefehler» gsii. Mii nimmt jetz nundefaane numme wunder, wär men äigedlig früener, wos no käi «Software» geh hed, für settigi Sache tschuld gee hed? Äinewääg. Iich überlegg miir jetz, daas Joor käini Stüüre z zaale – eben au wäägeme «systemimmanänte Softwarefehler».
häiter = fröhlich
vergitzle = ungeduldig
