Iich säägs iim immer wiider: Bueb, gang go stimme. S isch wichtig. As richtige Schwyzermaa, isch daas die Pflicht. Iich verdütt iim, as es Länder git, wo d Lüt nit chönne stimme. Die würde alli gärn go weele, wenn me se denn liessi. Iich pack iin alben au an der Eer und sääg zuen iim: Syyg es Muschter für dyyni Kolleege und nimm dyyni Rächt woor. Jetz säit doch letschti Wuche de Bursch zu miir: Worum sell iich es Muschter syy, wenn zwee vo öisne Baaselbieter Nationaalrööt, wo miir uuf Bäärn gweelt häi, nit emool stimme? Doo druufaabe han iich nüt me chönne sääge.
Stimme = abstimmen
Muschter = Vorbild
