Me hed sich jo e chlyy gwunderet, worum der Nationaalroot uus Ditterte bii der Apstimmig, wos um s Verdäile vom Gäld für d Universideete gangen isch, nit derbyy gsii isch. Me nimmt jetz aa, as er nit nöimen imene Hinderzimmer über wichtigi Sache noocheghirnet hed. Näi. S git Lüt, wo sääge, er häigi in deere Zytt syy Naamen uuf d Stroosse gschlirgged, as men iin joo wiider uuf Bärn weelt. Jetz nimmts halt scho der äint oder ander wunder, waas dä guet Maa ächt würdi sääge, wenn, numme soo as Byspiil, en son e ussländische «Sprayer» syy frömdländisch Naamen uuf d Strooss gschmiirt hätti.
Schlaarggede = Schmierei
Ditterte = Titterten
