Oobacht. Wenn e Politiker äismools e Grawatten aaläit, wirds bränzlig. Bsunders denn, wenn iin under em Joor nie son e Hälsig um e Hals würgt und fascht d Luft abschnyydet. Soo. Und waas bedüted daas jetz? Underäinisch mit Grawatte? Isch er voraane, ooni Grawatte, en andere, e bessere oder gaar emänd e läidere Mensch gsii? Mues me, wenn me hööch uuse will, bartuu son e Strick um Hals drääge? Wird doo emänd e Rääber zum Strääber? Oder isch alles vill anderscht? Es syy äifach glyy wiider Waale. Und Waalen ooni Grawatte, daas goot äifach nit. Mir wüsses nit. D Wooret kennt allwääg numme dr Grawatteverchäufer.
äismools = plötzlig
vooraane = vorher
