Es goot doo nit umm son e nöimödische Löölischeller. Es goot um dä Scheller. Umm e Spaarscheller «Rex». Dr König vo de Spaarscheller. Dä mit dr beweegliche Chlinge.
Alles um öis umme wandlet sich, numme dr «Rex» isch hoorglyychlig bliibe. Und daas sit öbbe 60 Joor. Und s Bescht isch. Erfunde hed de Scheller e Schwyzer. Dr Alfred Neweczeral. Neweczeral? Schwyzer!
Joo halt. Dr Neweczeral isch in Davos gebooren und e Noochfaar vo US-amerikanisch-böhmischen Yywanderer.
Worum ich öich daas verzäll?
Stelled öich voor, mir hätte sälbetsmool dr Neweczera nit in d Schwyz yynegloo. Mir würden allwääg hüt no die Gschwellte mit Fuschtkäil schelle.
hoorglyychlig = genau gleich
sälbetsmool = damals
