Jetz isch aber d Chappe lätz.
Öb die armi Hutte vonere Usseminischtere nit scho gnueg an dr Chappe hätti mit däm orientalische Kameeldryyber. Näi. Jetz chömme – wiider äinisch – no d Zunzger hindefüre.
Yyglaade – uusglaade. Jä nundefaane, häi die z Zungen ächt äin an dr Chappe, hed die wäälschi Jumpfere dänkt und gsäit, ça suffit comme ça, dir chönned mir in d Chappe (schyy…) joodle! Und – wiider äinisch – häi mir z Sissech s Gfüül, de Zunzger häigs äimool mee uf d Chappe gschneit. Wenn daas deerewääg wyttergoot, sett deenen under em Büchel wiider emool äinisch öpper so richtig d Chappe wäsche, oder ämmel d Hüener yydue – mäinti!
Uf d Chappe gschneit = in die Nesseln gesetzt
Chappe wäsche = gehörig zurechtweisen
