Gits se no, die chüschtigi Greemschnitte?
Nit die mit däm furzdrochnigen und verbrennte Bletterdäig, wo men im Schwimmbaad as Baademätteli chönnt aanelegge. Au nit mit deere Greeme, dick wie Usseverputz, wo d Inka scho bruucht häi, as iiri Stäimuure besser zäämeghebt häi! Au nit mit son ere danggigen Ersatz-Raam-Greeme, wo äim bim erschte Biss alles über d Chlöppe lauft. D Glasuur setti au nit heert wie Bachestäi syy. Nit as äim bim Dryybisse dr Zaanschmelz vo de Zeen jätted.
Halt äifach e Greemschnitte, wie si emool gsii isch. Das cha doch nit so schweer syy.
Ich bi gspannt, öb mir öpper cha sääge, öb no nöimen öpper söttige Greemschnitte macht? Ich bi gspannt!
chüschtig = wohlschmeckend
furzdroch = staubtrocken
danggig = feucht und weich
