Dr Baselbieter Seckelmäischer het do letschti de Zyttigsschryyber dr Huushaltsblaan für s neecher Joor voorgläit.
E huffe Zaale, mit no mee Null hindedraa. Er hed aber beruigt, es cheemi alles guet. Er welli süüferlig huushalte. Mir nämmen emool aa, das syygi esoo. S weer jo au verwunderlig, s weer anderscht. Es isch jo schlussemänd öise Chlütter, won er uusgit.
Ganz zum Schluss hed er denn aber doch no öbbis Gspässigs gsäit. Nämmlig: «Es gilt, nüchtern zu bleiben.»
Was cheibs mäint er jetz mit däm?
As d Rengierigsrööt bi Yylaadige zuekümpftig käi Wyy me mämmele? Oder emäänd, as mir alli käin me sette zwicke. Nach em Rauchverbott es Drinkverbott? Ob är sich daas mit öis Baselbieter cha läischte?
Huushaltsblaan = Budget
gspässig = seltsam
mämmele = bedächtig trinken
zwicke = trinken
