Jetz dampfe si wiider, d Gaartegrill.
Mannen in Underlyybli und mit blaarige Fürdüecher brääglen uf glüenige Choole geedrige Chueringgel.
Wos früejner no en äifache Holzchoolegrill doo het, bruucht dr modärni Grillspezialischt hüttigsdags im mindschten e hochtechnische Niidergaartitangrill. Drum stönden in de meischte Voorgäärten au woori Bröötelmonschter. As mit denen Unghüür überhaupt richtig chönnsch gschiire, bruuchsch oobenewägg e Hochschuelabschluss in praktischer Physik oder mindeschtens Erfaarig as Pfaadfinder.
Und was die Grill choschte. Es Vermööge.
Und will die Gaartegrill so soumeessig düür sy, isch denn halt für s Fleisch nümm so vill Gäld voorig.
Statt bim Metzger cha me jetz jo aber zum guete Glück bim ALDI, al(l) di(e) Würscht, billig und yygschweisst im Multipack go boschte.
Bröötle = grillieren
bräägle = brutzeln
geedrig = zäh
gschiire = zurechtkommen
