Emänd het er s au numme falsch verstande, wo si iim gseit hei, er chönni jo, wenn er denn bangsioniert syygi, ins Stöckli zie.
Woorschyynlig hei syyni Berooter gemeint, ins Stöckli näben em Buurehoof. Dört chönni er denn si verdienti Bangsioon gniesse. Sich öbbe zwüscheduuren es Glas Roote gönne, oder em Gspuusi hälfe bim Schööffigen überdue.
Jetz chönnsch aber undereinisch lääse, as er scho ins Stöckli welli, aber ins Stöckli uf Bärn.
Wär seit iim jetz, as me sich sy Bangsioon schon e chlyy anderscht vorgstellt het? Schlussemänd gits doo non e Jüngere, wo d Baaderli gärn ab dr Matte günne wetti.
Mir sie uf jeede Fall gspannt, wär ins Stöckli – das z Bärn – ziet.
Wie heissts so schöön: Wie me se ziet, so het me se!
Emänd = vielleicht
Gspuusi = Ehefrau
Schööffigs = Schaffleisch
Baaderli – Gänseblümchen
