D Zytte, wo men ä Chue am Määrt gchauft hett, sy äigedlig duure. In dr hüttige Zytt ersteigeret mä sich ä Chue im Internet.
My Noochber isch so ein, wo sy Freizytt meischtens vor em PC mit äm Chauf vo allergattig sältsamem Zügs verbringt. Ä Chue hett är bis jetz no keini bstellt. Do letschti hett är aber irgend nöime von eren abglägene Biocheeserei ä halbi Waagelaadig Chees überchoo. Won ich ihn gfroggt ha, öbb är es Raclettwettfrässen oragnisieri, hett är gmeint, es sigi halt ä günschtigi Offäärte gsi. Will mir jo gattligi Noochbere si und keini Ryybereij wei, hei mir und dr Räscht vo dr Noochberschaft ihm alli ä paar Laib abgnoo. In dr nööcheren Umgääbig schmöckts jetz fryylig jeden Obe, wie wenn än Extrembärgstyyger sini abgstandnige Cheessogge dussen aufghänkt hätti.
äigedlig = eigentlich
Ryybereije = Zwist
Internet = Abkürzung für: International Network = kei Dialäkt
