As junge Chnaab häi mer dehäi e Choolehäizig ghaa. Daas isch mer z Sinn choo, won ich glääse haa, as e baar Rynoozeross mit blutte Schäiche über glüenigi Choole tschalppet syy. Und derbyy häi sy sich zümpftig d Flosse verbrennt. Mir sy nie über glüenigi Choole gloffe. Mir häi müse d Choole im Chäller go hoole. So, as mer noochaane alben uusgseh häi, wie Aarpäiter imene Choolebäärggwärch. Wenn mer nit dehäi gsii sy, isch d Muetter in Chäller gstiige. Das hed ufghört, wo der Vatter bangsioniert worden isch. Denn hed men e Elektrohäizig zuedoo. Nit as sich der Vatter no schwarzi Händ ghoolt hätti.
Chnaab = Knabe
Rynoozeross = Tölpel