Und wiider äinisch meh hacke sy uf der Baselbieter Boudiräkteren umme. Numme will sii d Randstäi vo China und nit Stäi vo doo gnoh hed. Zum Byspill settigi, wo me für e Bou vo der Buetschenebrugg brucht hed. As äisder meh ussländischs Züüg bruucht wird, reggt bsunders der Schryynermäischter Häring uuf. Bi ihm gohts aber ums Holz, will als meh Tropischs zu öis chunnt. Schlussemänd häige mer jo gnueg hiesigi Böim. Guet. Velicht gohts ihm nit nummen um die yyhäimische Böim. Velicht hed er der Boudiräktere au numme welle dramahne: «Dänked draa, der Häring nimmt au Uufdrääg entgeege».
Buetschenebrugg = Bütschenenbrück, Reigoldswil, erbaut um 1820
äisder = immer