Aso doch. Jetz müese d Köch vom Unispittel Basel in Service. Will s Ässe numme no ufgwermt zum Patient chunnt, bruchts öbber, wo s Voogelhöi oder der Brässchopf zum früsch Operierte bringt. Das häisst: D Chrankeschweschter – ohni gastronomischi Usbildig – macht s Ässe warm und der Choch – ohni medizynisch-pfläägerischi Usbildig – löfflet de Chranke d Gaggobröchli yy. Fehlt nummen no, as d Chöch binere Blinddarmoperation assischtiere. Uusbäinle häi sy jo schlussemänd emol glehrt.
Voogelhöi = Mischmasch aus gebackenem Brot mit Eiern und Zucker
Brässchopf = Schwartenmagen
