Imene Spidaal bruuchts die, wo mit Soorgg d Innereien uuseschnätzle, in der Chuchi der Fääderechööl wäichdämpfe, der Bruschttee überdöie oder sünscht öbbis Wichtigs mache für d Paziänte. Aber am wichtigschten isch dä, wo d Lüt yystellt – ämmel z Lieschtel. Dä luegt nämmlig nit numme, as die öbbis chönne. Näi. Dä luegt au druf, as die Aagstellte die richtige Nääme häi. Numme soo chan ich mir erklääre, as der Maa bim Empfang in der Notfallstazioon «Gut» und d Daame bim Empfang am Hauptyygang «Spidalieri» häisst. Numme nöimen isch der Personalscheff e chlyy verchoo. Äin vo de ville Dökter häisst nämmlig «Grob».
Bruschttee = Eine Mischung aus Eibiswurzel, Anis, Gelben Katzenpfötchenblüten, Süssholzwurzel, Malvenblüten, Senegalwurzel, Thymian und Königskerzenblüten mit auswurffördernder, reizlindernder und hustenstillender Wirkung