Lyycht zundersoob standi vor däm Zeedel, wo voor miir in dr Cheesi an dr Wand hangt. «Frauenfrühstück», oder ebe, wie miir würde sääge, Frauezmoorgge. Waas isch jetz daas wiider? S wird an däm Zmoorgge nit öbbe Fraue gee? Woorschyynlig scho eender Hooldersyyrup und Ankeschnitte. Aber velicht gönge die Frauen au gaar nit wäägen em Ässe dört aane. Velicht wäi die nummen e chlyy zääme schwätze, ooni as e Maa e dummi Froog stellt. Denn han iich aber dänkt, es müessti allwääg andersumme häisse. Zmoorgge für Fraue, nit Fraue für Zmoorgge. Äinewääg. Rächt häi sii, die Fraue. Au emool öbbis zmache, wo d Manne nit dörfe derbyy syy. Schlussemänd gönge miir Mannen au ooni Frauen an Banndaag! Mit äim Underschiid halt. Dört gits käi Holdersyyrup.
zundersoob = durcheinander
eender = eher