Es ufdagglets Modeditti, mit Fingerneegel, wo uusgseie wie d Zeecheneegel vomene Dinosaurier, will zum zwöitemool ihri stramme Stötze verlengere. Es syg käi äifachi Operation und döigi soumeesig weh, loot sy sich in der Zyttig lverlutte. Aber sy miechy daas für es bessers Sexlääbe. Jetzt stelle sich für mii zwoo Frooge. Erschtens, und doo gseht me, as men ölter wird: Worum bruuchts für es bessers Sexlääbe lengeri Bäi? Zwöitens: Gits äigedlig au Operatione, zum s Hiirni vergröössere?
ufdagglet = übertrieben herausgeputzt
Stötze = Beine
