Was han ich blanged. Äntlig mache – under anderem – d Kosmetikstudio wiider uf. Wenn ich nämmlig myni Zeecheneegel aagluegt haa, isch mer klaar worde: Es isch wiider an der Zytt, d Chlööieli lo z schnyyde. Ich bi mer jo langsaam vorchoo wien e Wei, wo mit syyne Chlaue chönnt es Byppeli packe. Was halt noonig goht, isch noo der Manicure e Kaffi drinke. Aber Zeecheneegelschnyyde isch jo schlussemänd au wichtiger as Kaffidrinke. Wenn au nid unbedingt günschtiger.
blange = sehnsüchtig erwarten
Chlööieli = Kläuchen
